অসমীয়া সাঁথৰ(AXOMIA HATHOR) আৰু উত্তৰ

অসমীয়া সাঁথৰ আৰু উত্তৰ ৷

Axomia hathor aru ottar

অসমীয়া সাঁথৰ শিকোঁ আহাঁ -

১/এডাল  খেৰে 

   ঘৰটো বেৰে ৷

উত্তৰ- চাকি 

২/ এক কাঁহী চুপাৰি,

 গণিব নোৱাৰে বেপাৰী ৷

 উত্তৰ - আকাশৰ তৰা

৩/এখন ঘৰৰ দুখন ছাল ,

নবন্ধাকৈ আছে

সৰ্বতি কাল ৷

উত্তৰ - কলপাত

৪/ ধপলা ধপল পাত ,

তাতো নাখায় ভাত ,

লোমা-লোমে গুটি,

তাকো নাখায় ভাজি ৷

উত্তৰ - অমিতা

৫/ পাখি নাই ,

জখলা নাই

আকাশলৈ কোন যায় ?

উত্তৰ - ধোঁৱা

৬/ পাত খায়, কাঠ খায় ,

পানী পালে মৰি যায় ৷

উত্তৰ - জুই

৭/পক্ষী নহয় উৰি যায় ,

গৰু নহয় ঘাঁহ খায় ৷

উত্তৰ - ফৰিং

৮/ বাটে বাটে গৈছিলো

বস্তু এটা পালো, 

কাকো নোকোৱাকৈ 

মনে মনে খালো ৷

উত্তৰ - উজুটি

৯/ ৰজাৰ হাতী ,

ধান খায় পাচি পাচি ৷

উত্তৰ - ঢেঁকী

১০/ ৰজাৰ পুতেক ভোলা ,

জন্ম হৈ পিন্ধে এশটা চোলা ৷

উত্তৰ - কলডিল

১১/ হাতীৰ দাঁত, 

  কদমৰ পাত ,

  ক’ব নোৱাৰিলে গোলামৰ জাত ৷

উত্তৰ - বেঙেনা গছৰ পাত আৰু ফল ৷

১২/ হাত আছে ভৰি নাই 

মূৰ হ’লে কটা, 

আধা মানুহ গিলি খায়

বুকুখন ফটা ৷

উত্তৰ - চোলা ৷

১৩/ হেণ্ডচেক দিলে বমি কৰে 

বস্তু কি ?

উত্তৰ - দমকল ৷

১৪/ হাতেৰে ধৰে,

 ভৰিৰে মাৰে,

কোনোবা উঠিললেই লৰ মাৰে ৷

উত্তৰ - চাইকেল

১৫/ সাত ভাই-ককাই

নিতৌ আহে নিতৌ যায় ৷

উত্তৰ - সপ্তাহ

১৬/ সকলোৱে মোকে বিচাৰে, 

মই কিন্তু কাকো নিবিচাৰো ৷

উত্তৰ - সময়

১৭/ ৰজাৰ ঢোল

চাব পাৰি,

বজাব নোৱাৰি ৷

উত্তৰ - বৰলৰ বাহ

ধন্যবাদ ৷